Raawwii Hojii Kurmaana 3ffaa manneen hojii torbaa Magaalaa Adaamaatti qorate.

Karoora hiixataa akka Mootummaatti qabame milkeessuu kan dandeenyu pooteenshaala galii naannichaa sakatta'uu gaafata. Kanaaf, maddoota galii naannichaa duguuganii galchuurratti xiyyeeffannaan hojjetamuu akka qabu Koreen Dhaabbii Dhimma Baajataafi To'annoo Horataalee Mootummaa ibse.

Korichi, gamaaggama Kurmaana 3ffaa taasiseen, raawwiin kilaastara diinagdeefi piroojeektotaa kan kurmaana darbeerra fooyyee kan qabu ta'us ammallee xiyyeeffannoo kan barbaadu ta'uu Dura Taa'aan Korichaa Dr. Gammachuu Araarsaa ibsaniiru.

Waliigalaan, yeroon kun gama tokkoon Karoora Xiiqii bara kanaa milkeessuuf, gama biraan ammoo, Karoora Bara 2017 qopheessuu irratti argamna. Kanaaf, manneen hojii hundinuu hojiiwwan lamaan kana walsimsiisuun xiyyeeffannoo kennuun hojjachuu akka qaban ibsaniiru.