Koreen Dhaabbii Dhimma Misooma Baadiyyaa Caffee Oromiyaa raawwii hojii kurmaana 2ffaa damee misooma baadiyyaa Magaalaa Ambootti qorachaa ture xumuure.
Duubdeebii Koreen Dhaabbii kurmaana darbe kenne irratti sirreeffamni taasifamuu isaa kan qorate Koreen kun, manneen hojii hedduun sirreeffama taasisuu isaaniifi manneen hojii l buusii Buusaa Gonofaa %2 baajata isaaniirraa kaffaltiin taasisan akka ciminaatti ilaalameera.
Milkaa'iina galmoota misoomaa Baadiyyaan qabaman hanga barbaadameen gadi buusuun walqabatee, gabaasni sobaa, raawwiin piroojeektii hedduun harcaatii kan qabu ta'uun, kennaa tajaajilaa kallattii kaa'ame giddu gala godhachuun raawwachuuniifi qindoomina keessoo irratti hanqinni jiraachuu Koreen qorannnaa raawwii hojii walakkaa Waggaa taasiseen ilaaleera.
Xumura irratti, dhiyeessiin xaa'oofi sanyiin filatamaa, sanyii baay'isuu, daldala seeraan alaa galtee qonnaa waliin jiru, gabaasa qulqullina qabu fudhachuufi gabaasuufi piroojeektii buleeyiifi haaraa irratti xiyyeeffannoon kennamee hojjetamuu akka qabu Dura Ta'aan Korichaa Kab.Obbo Diriirsaa Waaqumaa ibsaniiru.