Gabaasni raawwii hojii kurmaana 2ffaa seektaroota damee Hawaasummaa dhiyaateen Carraa barnootaa babal'isuu, Qulqullina barnootaa fooyyeessuu, Ittisaafi to'annoo dhibeewwanii , Dhiyeessii Qorichaafi meeshaalee yaalaa fooyyessuu ,Nageenya Industirii mirkaneessuu, Godaansa seeraan alaa hambisuu, qorannoo seenaa Oromoo gaggeessuu, Bakkeewwan turizimii babal'isuun diinagdee maddisiisuu, Hirmaannaafi fayyadamummaa dubartootaa cimsuu, ijaarsaafi dandeettii dargaggootaa fooyyeessuu irratti hojiileen hojjetaman gaarii ta'uun hubatameera.

Koreen kun cuunfaa bu'aa hordoffiifi to'annoo marsaa 1ffaa Godinaalee garaa garaatti taasiseefi xiinxala gabaasa raawwii hojii kurmaana 2ffaa dhiyaate gidduu galeessa godhachuun ciminaalee jiran jajjabeessuun hanqinaaleen mul'atan ariitiin sirreeffamuu akka qaban kallattii kaa'eera.

Dura teessuun korichaa Kab. Aadde Mastaawot Fayyisaa,kallattii hojii fuula duraa wayita kennan, dhaloota dorgomaafi fayya qabeessa ta'ee safuu, seenaa, mirgaafi dirqamasaa beekee guddina biyyaa keessatti qooda olaanaa bahatu horachuuf gaheen seektara hawaasummaa murteessaa waan ta'eef Manneen Hojii ergama, kaayyoofi mul'ata qabatanii hundeeffaman milkeessuuf humnaafi yeroo qaban hunda fayyadamuun hojjechuu akka qaban Kab.Aadde Mastaawot ibsaniiru.