Korichi gamaagama raawwii hojii kurmaana 2ffaa damee diinagdee gaggeesseen galiin guddina diinagdee biyyaafi naannoo tokkoof murterssaa ta'uu eeruun horataalee mootummaa fi ummataa sirnaan hojiirra oolchuun misoomni haqa qabeessa ta'eefi ummata fayyadamaa taasisu akka jiraatuuf xiyyeeffannoon kennamee hojjetamuu akka qabu Dura Taa'aan Koree Dhaabbii Dhimma Baajataa fi To'annoo Horataalee Mootummaa Caffee Oromiyaa Dr.Gammachuu Araarsaa Raawwiin galii Mootummaa kan bara darbeen yommuu madaalamu fooyyee kan qabu ta'us poteenshaala galii naannichi maddisiisuu danda'uufi karoora galii qabame wajjiin yommuu ilaalamu hojii xiyyeeffannoo barbaadudha.

Dabalataanis,hojiin hordoffii fi deeggarsaa, raawwiin pirojektoota misoomaa mootummaan hojjechaa jiru, hojiileen inisheetivii,fedhii misoom bal'aa ummanni keenya qabu deebisuuf hojjetamaa jiruuun kenna tajaajila lamummaa,bulchiinsa taaksii ammayyeessuuf hojiin eegalamefi mirkannoon qulqullina Odiitii foyyee kan qabu ta'u Dura Taa'aan Korichaa Dr.Gammachuu ibsaniiru.

Raawwiin odiitii pirojektootaafi argannoo Odiitii yeroon deebisiisuu,sirna bittaa ammayyeessuun, hojiin galiifi horataalee mootummaa cimsuuf hojjetamu xiyyeeffannoo kan barbaadu ta'uufi korichi hordofgiifi to'annoo diree marsaa 1ffaa taasise bu'uureffachuun gamaggama raawwii hojii kurmaana 2ffaa seektaroota taasiseen raawwiin hojii kurmaana 2ffaa seektaroota diinagdee fooyyee kan qabu ta'uu eeruun hojiileen karoorfamanii osoo hin raawwatamin harca'anii hafan yeroo itti aanutti xiyyeeffannoo addaatiin hojjetamuu akka qaban Dr.Gammachuu kallattii hojii duula duraa kennaniin ibsaniiru.