Irreechi, Oromoof guyyaa galataati. Barii birraa torban Masqalaatti seera guutee uffatee jiidha qabatee, safuu Irreechaas kabajee irreeffannaaf malkaatti baha.

Sirna irreeffannaa kana irratti namni hundi akkuma umurii isaatti uffata aadaa uffatee miidhagee, calleefi dooqaan kan faayee, coqorsa jiidhaa, daraaraa keelloo qabatee “Mareewoo, Mareewoo…” jechuun gara malkaatti yaa’uun malkaa gamaa gamanaan irreeffata.

Irreeffannaan Hora Finfinnee Doloolloo Buddeenaatti har'a taasifames safuufi safeeffannaa Irreechaa kabajuun irreeffatamaa jira.