Koreen Dhaabbii Dhimma Bulchiinsaa,Seeraafi Misooma Namaa Caffee Oromiyaa Gamaaggama raawwii kurmaana 2ffaa bara 2017 Manneen Hojii 14 Korichaaf itti waamaman Magaalaa Ambootti gaggeessaa ture xumuree jira.

  • 13 Feb 2025
  • Posted by caffeeoromia
  • 0 Comments
 
 
Korichi hojii dameewwan bulchiinsaa, nageenyafi haqa mirkaneessuuf baatiwwan jahan darban keessatti hojjetamaa tureefi hojii hordoffiifi to’annoo dirreerratti taasisaa ture giddu gala godhachuun Manneen Hojii Korichaaf itti waamaman qoratee jira.
Dura ta’aan Koree Dhaabbii Dhimma Bulchiinsaa,Seeraafi Misooma Namaa Caffee Oromiyaa Kab.Obbo Gabiree Urgeessoo Gamaaggama gaggeessaniifi hordoffiifi to’annoo dirree taasisaniin tajaajilli ummataaf sadarkaa Gandaatti kennamuu eegaleefi tumsi ummanni caasaalee Gandaaf taasisaa jiru olaanaa ta’uu, kaarra nagaa Mootummaan saaqeefi ejjennoo cimaa Mootummaan nagaafi tasgabbii uumuuf qabu hordofee humni karaa nagaa filate carraa nagaafi tasgabbii akka jiraatu uumuu kan jalqabe yoo ta’u, Olaantummaa seeraa mirkaneessuu, qabiinsa mirga namoomaa,Seerota Caffeen bahan faayidaa ummataa giddu gala kan godhate waan ta’eef, hojiirra oolmaafi hojii tajaajila ummataaf kennamu keessatti of eeggannoofi xiyyeeffannoon hojjechuun dhimma xiyyeeffannoo barbaadu ta’uu eeruun, ergamni Mootummaa Ummata tajaajiluu waan ta’eef, qaamni ummata tajaajilu kamiyyuu miiraafi faayidaa Ummataa giddu gala godhatee tajaajiluu akka qabu Kab. Obbo Gabiree ibsaniiru.