Koreewwan Dhaabbii Caffee Oromiyaa, Karoora Bara 2017 Manneen Hojii isaaniif itti waamaman Magaalaa Adaamaatti gamaaggamaa gaggeesan.
Galmoota Gurguddoo Karoora Bara 2017 keessatti Mootummaan Naannoo Oromiyaa milkeessuuf karoorfate galmaan gahuu keessatti qoodni manneen hojii mootummaa naannichaa qaban olaanaa waan ta'eef, Koreewwan Dhaabbii Caffee Karoora Bara 2017 Manneen Hojii Magaalaa Adaamaatti gamaaggamaa jiru.
Gamaaggamni kun, Karoorri Bara 2017 tarsiimoo, sagantaaleefi karoora Imala Badhaadhinaa qabame milkeessuu, fedhiifi fayyadamummaa ummataa galmaan gahuu karaa danda'uun qophaa'uu isaa mirkaneeffachuu irratti kan xiyyeeffatedha.