Afyaa’iin Caffee Oromiyaa Kab. Aadde Sa’aadaa Abdurrahmaan,misoomni appilikeeshinii mobaayilaa teekinoloojii dijitaalaa fayyadamuun bakka bu’oonni ummataa odeeffannoo Waktawaafi sirnawaa karaa salphaa ta’een argachuufi ergama bakka bu’ummaa isaanii qajeelloon akka bahatan taasisuu keessatti qooda olaanaa qaba jedhan.

Kana malees, Misoomni Appilikeeshinii Mobaayilaa kun komiifi gaaffiwwan ummataa biraa ka’an karaa Caffee qindaa’een qaama dhimmi ilaalu bira akka gahuuf carraa kan uumu akkasumas baasiifi yeroo kan qusatu ta’uu Afyaa’iin Caffee Oromiyaa kab. Aadde Sa’aadaa Abbdurrahmaan sirna walharkaa fuudhinsa wayita taasisan ibsaniiru.

Appilikeeshinii Mobaayilaa Caffee Misoomaa tures har’a Bakka Afyaa’iin Caffee Oromiyaa Kab. Aadde Sa’aadaa Abdurrahmaan, fayyadamtoonni appilikeeshinichaa Miseensonni Caffee fi Dhaabbata Netherland Inistitute For Multiparty Democracy’ tti bakka bu'aa kan ta'an Dr. Zamalaak Ayikaano argamanitti walharkaa fuudhinsi taasifameera.